猛星專訪-Anita之童年-漫晝編
(by 1986玉郎漫晝)
筆者:Anita 妳自細係D餐廳、夜總會度唱歌、有沒乜野難忘經歷呀?
Anita:係唱歌D地方好少會有事發生既,反而有次係聖誕節,
本少姐竟搞到被迫避入警署,搵警察叔叔幫手。
筆者:嘩!乜野事要攪入衙門呀?
Anita:在聖誕節,我同家姐與及兩位女友扮到鬼火甘艷麗,
當時雖然芳齡十六,但是已經引死男仔勒。
我地齊齊行街,突然發覺被架堆滿男仔既車跟宗,
我地冇男仔接,唯有跳上十四座逃生啦,
點知對方重死心不息,繼續跟宗,我家姐驚到幾乎喊,
最後咪唯有叫司機駛入灣仔警署求救了。
筆者:提起你姊梅愛芳,我知妳地感情好好,
以住重試過組成姊妹花合唱團同台演出,但係因乜原因其後會解散呢?
Anita: 最初係因為我姐姐大我幾年,有段時間大家高矮相差得太遠,
其後再復合,但小妹發覺逢係乜乜姊妹合唱團,一定衰收尾,
而且永遠都唔會紅得去邊,所以咪決意『分手』各有各發展了。
筆者:講完令姊,妳媽媽又點看呀?自小父親去世,
媽媽一個人揍大你地,妳同佢既關係一定不錯架啦?
Anita: 何止唔錯,我一生人中媽咪肯定是我最痛鍚既人。
記得有年母親節,我想買個蛋糕畀佢慶祝一番,但係,
錢從何處來呢?
筆者:啊!甘有意義既野,可以問我借嘛,仁但是當時大家都未是friend,
想幫你都不得,結果點呀?
Anita:結果都有慶祝,之不過係媽咪帶我地去酒樓擦餐飽既,
雖然係由母親大人破費,但係都好鬼開心。
筆者:我知妳一方面好有愛心,另一方面好惡死咕喎,有冇甘既事....?
Anita:乜話? 話我惡死,邊個講既?
筆者:唔關我事呀唔是我講架。
Anita:哈......攪笑咋,我份人如果遇到D不平事,有時都會火遮眼架。
記得響十多歲時.....有次拾巴士,個日甘岩著左條短裙,
有個咸濕佬竟然衰到借意奏挨撞撞。
筆者:甘重成世界既?妳梗係大聲慘叫,甚至唱首有關非禮的歌,
驚動D好似我D見義勇為大好青年對付色魔啦!!
Anita: 唔使甘間接,我一粒聲都唔出,等架車一掟彎,
乘勢一睜飛向個色魔既胸膛,哈哈,個隻衰色魔被我幾乎打到嘔黃膽水,
哈....哈....哈....哈.....
~繼續~